نكت سامجه ولكن تجعل المتلقي يبتسم أو يضحك هذا هو موضوع مقالنا اليوم، فالفكاَهة والنكت من الأمور التي يفتش عنها العديد من الأشخاص كل فترة من أجل تعلم بعضها وإلقائها على الأصدقاء والمقربين من باب الدعابة والترفيه والترويح عن النفس هروبًا من ضغوطات الحياة التي تتطلب كل فترة الخروج عن المألوف من أجل نشر الابتسامة بين المقربين.

نكت سامجه

هناك نكت سامجه كثيرة على الرغم من كونها غير مضحكة في الحقيقة ولكنها قد تجعل من يتلقاها يبتسم ومنها:

• مرة الرز شاط جاب جون.
• واحد بيسأل صاحبه هوه النهاردة التلات ولا الاربع قاله لا الاتنين، قاله ياااه الاتنين مع بعض.
• ولد صغير راح لباباه قالوا بابا بيجمعوا فلوس يبنوا حمام سباحة قاله أديهم شوية ماية.
• واحدة راحت لجوزها تقوله عايزة انجد المخدات قالها نجدي شوية فايبر والباقي واتساب.
• شاب من مصر قرر يخطب بنت من الصين راح يسلم عليها لقاها اتكسرت.
• مرة واحد راح زرع وردة في الجنينة لقاها طلعت لطيفة.
• واحد نزل البيسين يعوم طلع منه بيصاَد.
• واحد عايز يبيع عربيته ومش لاقي حد يشتريها، راح واحد صاحبه قاله لو عايز تبيعها بسرعة ركب عليها علامة بي إم دبليو، عمل كده فعلا ولما سأله صاحبة ها عربيتك اتباعت قاله لا أنا غيرت رأيي إزاي أبيع عربية ماركتها غالية كده.

هنا تجد: نكت مصريه مضحكه

نكت قصيرة بس تضحك

هناك نكت سامجه كثيرة ولكن تجعل المستمعين لها يضحكون كثيرًا ومنها:

• مرة شاب شاف بنت في محل لبس قالها من فضلك خليكي هنا بس ثواني هجيب أمي وأجي بسرعة، البنت افتكرت أنه معجب بيها وفرحت جدًا، جاب أمه وجه وقالها أمي مش البنت دي شبه اختى الليِ ماتت جدًا.
• مرة واحد زار دكتور أسنان، راح الدكتور قاله إنت محتاج تقويم، قام المريض رد وقاله تقويم ميلادي ولا تقويم هجري.
• مرة ولد حران ومفيش في بيته مكيف أو مروحة، قال لأمه أعمل إيه، راحت اديته خافض حرارة.
• واحد محشش ضاعت منه المحفظة، راح قسم الشرطة، راح الظابط قاله روح إنت بيتك واحنا هنجيبها من تحت الأرض، وهو مروح شاف شوية عمال بيحفروا في الشارع، قالهم شدو حيلكم هيا كان لونها أسود.
• مرة واحد بياكل فستق جه صاحبه وقاله هات واحدة، بعد ما أكلها قاله الله طعمها حلو أوي هات تاني، قاله لا لا ما هوه كله نفس الطعم.

قد يهمك أيضًا: نكت مضحكة مصرية

نكت سامجه بس تضحك

يبحث العديد من الأشخاص في بعض الأحيان عن نكت سامجه لكن تضحك لهذا قمنا بتجميع بعضًا منها في هذه الفقرة:

• مره مدرس بيسأل الطلاب في الفصل، إيه هو الحيوان اللي بيصحينا كل يوم؟ قام واحد من الطلاب رد وقال أختي طبعًا.
• مرة واحدة راحت السوبر ماركت قالت للبياع عندك شاي قالها لا وهو عنده جوه.
• واحد سأل محشش هوه النور بيجي من الشمس ولا من القمر، راح قال طبعًا من القمر أصل الشمس بتطلْع في النور.
• مسطول بيسأل سكران أبوك عامل إيه رد السكران وقال أبويا مات من سنتين قاله تمام بس عامل إيه رد قاله نايم في نفس التربة.

اقرأ أيضًا: نكت مضحكة مصرية

نكت سامجه لكن جديدة

إذا كنت تريد التعرف على مجموعة نجت سمجة لكن جديدة أطلع على السطور التالية:

• وحدة ست بتقول لجوزها أنا شفتك في الحلم في محل دهْب بتشْتريلي خاتم ألماظ، راح رد وقالها أيوه مانا شفت نفس الحلم وأبوكيِ هو اللي دفع.
• ولد صغير عنده 3 سنين قاعد جنب مامته الحامل، بيقولها إنتي ليه تخينه كده، قالتها عشان فيه جوايا بيبي، قالها هو بيبي طيب، قالتها أه طبعًا ده طيب أوي، قالها طيب ليه أكلتيه.
• شاب غبي كان بيحب بنت وعايز يروح يخطبها، وفعلا راح وقعد ما باباها وقاله عايز أخطب بنتك، رد الأب وقاله بنتي لسه بتدرس، قاله خلاص همشي وأجي بعد ساعة تكون خلصت.
• الناس لقوا واحد قاعد جوه حفره، قالولها ليه بتعمل كده رد قال أصلي في موضوع مهم عايز أفكر فيه بعمق.
• محشش خبط عربية واحد، قاله هو انت ماشفتنيش، رد المحشش قاله يمكن بس مش فاكر فين.
• مرة راجل طلع معاش ومش عارف ينزل.
• راجل بيقول لمراته أنا زعلان عشان الحمار بتاعنا مات، ردت وقالت ما تزعلش نفسك دخلتك عليا بـ 100 حمار.
• واحد محشش وهو ماشي في الشارع لقى يافطة مكتوب عليها ممنوع الوقوف هنا راح نايم على الأرض.
• محشش بيسأل صاحبه ما شفتش أحمد معدي من هنا من شوية، قاله أه شفته، رد المحشش وقال طيب أنا كنت معاه.
• واحد محشش ماشي في الشارع مع اخته، شافوا أبوهم معدي، قالها ولا يهمك قولي إني أخوكي.
• مدرس بيسأل الطلبة في الفصل قولولي 3 حيوانات بناخد منها لبن، رد طالب وقال 3 بقرات.

قمنا اليوم بتجميع أكثر نكت سامجه على الإطلاق ولكنها مضحكة يمكن إلقاؤها على الأصدقاء أو المقربين من أجل الترويح عنهم وإدخال البسمة والسعادة عليهم للمساعدة على الابتعاد قليلًا عن التفكير في أمور الحياة المهمة.