التخطي إلى المحتوى

نكت مضحكة قصيرة مصرية هي تلك العبارات المضحكة.. التي يشاركها الكثير من المستخدمين عبر مواقع التواصل الاجتماعي، كما يمكن مشاركتها مع الأهل والأصدقاء بغرض إضفاء البهجة والضحك.. ومن خلال السطور التالية سنعرض لكم نكت كوميدية قصيرة مصرية.

اقرأ أيضًا: نكت مضحكة مكتوبة

نكتة مصرية مضحكة واحده ست سايقة على الجي بي اس..  قالها انحرفي قليلًا..   قلعت الطرحة.
أروع النكات المصرية واحد رخم نزل الشارع ملقاش حد يرخم عليه!   قام وقف قدام العمود وقالو عدينی

نكت مضحكة قصيرة مصرية

نكت مضحكة قصيرة مصرية
نكت مضحكة قصيرة مصرية

كثيرًا ما يود الأفراد الحصول على النكات المضحكة.. وخاصةً خلال التجمعات العائلية؛ نظرًا للبهجة والضحك التي تضيفها تلك النكات إلى الأجواء.. ومن خلال النقاط المقبلة سنعرض لكم نكت مضحكة قصيرة مصرية:

  • مرة واحد كسلان اتجوز واحدة كسلانة.. كسلوا يخلفوا.
  • عشرة صعايدة بيتعلموا ربط الكرفاتة.. 6 ماتوا والباقي في العناية المركزة.
  • مرة واحد ندل وقف ميكروباص وبص لبنت وضحك.. لما نزلتله قعد مكانها.
  • مرة واحد اشترى لمبة مسمار دقها في الحيطة.
  • واحدة بتلعب استغماية مع صاحبتها قالتلها لو لقيتيني هاخد موبايلك.. ولو ملقتنيش أنا ورا الباب.
  • مرة واحد بيتخانق مع صاحبه.. فضربه على وشه قاله قفايا قصر معاك فحاجة.
  • راجل وقع من الدور العاشر جاله صداع.
  • مرة واحدة من الصعيد جوزها رماها من الدور الثالث طلعلته تقوله بلا الهزار البايخ دا.
  • مرة واحد مسطول اتجوز واحدة من الصين.. ولما سألته ليه ساكت؟ قالها معرفش فكرتك نايمة.
  • واحد خبط على باب جدته.. فسألته: مين؟ قال: حفيدك، ردت قالت له: حتفيدني بأية؟
  • مرة واحد طلب من مراته أنه يشوفها من غير مكياج.. قالت له أنا كنت عارفة أن عايز تطلقني.
  • واحد كهربائي أتجوز 4 ستات ركبلهم مشترك.
  • مرة 5 أغبياء قرروا يتاجروا في الموز.. خسروا علشان كانوا بيرموا الموز المعووج.
  • مدرس رياضيات اتجوز زميلته في الشغل.. خلفوا طفل متساوي الأضلاع.
  • مرة بقرة جالها جفاف.. نزلت لبن بودرة.
  • واحد كسلان دخل لجنة الامتحانات.. القلم وقع منه كسل ينزل يجيبه.
  • مرة ولد راح يسأل أبوه هو الحب أعمى؟ رد قال له: بص في وش أمك وأنت تعرف.
  • مرة دكتور شغل أغاني للمرضى في مستشفى المجانين.. لقاهم كلهم بيرقصوا ما عدا واحد قاعد ساكت، سأله ليه مش بترقص.. قاله علشان أنا العريس.

اقرأ أيضًا: نكت مضحكة مصرية

نكت كوميدية مصرية

إلى جانب تلك النكات السابق عرضها.. نشير إلى أنه لا زال يوجد عدد لا حصر له من لك النكات، وإليكم بعضها عبر النقاط المقبلة:

  • مرت القمر قرر يتجوز الشمس.. ردت قالتله وأنا ليه اتجوز واحد بيسهر طول الليل.
  • واحد خلف 7 عيال.. وسمى نفسه سفن اب.
  • مرة واحد مشغول اتجوز واحدة مشغولة.. خلفوا طفل مش فاضيلهم.
  • واحد محشش راح البنك ومعاه حبل.. لما صحابه سألوه الحبل دا هتعمل ايه بيه؟ قالهم هسحب بيه فلوس.
  • مرة استاذ وقف طالب وسأله في أي فصل تسقط الأمطار؟ رد قال له: في الفصل اللي مفيهوش سقف.
  • مرة واحد مسطول كان معاه مسامير كتير.. واحد وقع من ايده، رمى الباقي على الأرض وقالهم انزلوا جيبوه.
  • واحد مسطول نزل من العربية لقى الدنيا بتشتى.. ركب العربية من الباب التاني.
  • مرة ممرضة خلفت ولدين توأم.. سمت الأول عضل، والتاني وليد.
  • واحد مسطول قال لصاحبه أنت فاضي؟ قاله أيوه، رد قال له بس أنا مش فاضي.
  • مرة صحاب مسطولين ركبوا طيارة.. ولما سقعوا طفوا المروحة.
  • واحد بيشتغل في إشارة المرور.. خلف ولد بيتكلم بالإشارة.
  • مرة واحدة غبية أبوها بيقولها مبروك جالك أخ جديد.. ردت قالت له لما أروح أفرح ماما.
  • واحد مسطول قرر يصنع ميكروباص بالعرض.. علشان يخلي كل الناس تركب قدام.
  • مرة واحد حب يعمل احتفال.. راح مولع في الشقة.
  • مدير مدرسة قرر يعمل احتفال.. وزع على كل المعازيم أرقام جلوس.
  • مرة واحد راح يغير لمراته أنبوبة الغاز وطلب منها تدعيله.. قالت له: روح ربنا يفتحها في وشك.
  • مدرس رياضيات اتجوز مدرسة رياضيات.. خلفوا طفلين واستنتجوا التالت.
  • مرة واحد رجع في كلامه خبط في اللي وراه.
  • واحد بلع فوطه ريقه نشف.

نكت مصرية

أجدد نكت مصرية مضحكة
أجدد نكت مصرية مضحكة

لا زال يوجد الكثير من نكت مصرية قصيرة قصيرة مصرية.. فتلك النكت يمكنك العثور عليها بكثرة على مواقع التواصل الاجتماعي المختلفة، وخاصةً على الفيس بوك وتويتر.. وإليك المزيد من تلك النكات فيما يلي:

  • مرة واحد سأل أبوه هي الحمير بتتجوز؟ رد قال له: محدش بيتجوز غير الحمير أصلًا.
  • واحد راح الجهادية.. طلع من الجهة التانية.
  • مرة واحد مسطول طلب من صاحبه المسطول يمشي على دخان السجارة.. قال له أنت عبيط؟ افرض طفيت السجارة اقع؟
  • ظابط مرور سأل سواق أنت ليه مش لابس الحزام؟ قال له: علشان البنطلون فيه استك يا باشا.
  • مرة واحد مسطول قرر يشترك في مسابقة من سيربح المليون.. فسألوه عن اسمه، قال لهم ممكن استعين بصديق؟
  • أم بتسأل ابنها أنت جيت؟ قال لها: لا يا ماما أنا لسه تحت.
  • واحد بيسأل صاحبه أنت صحيت؟ قال له: لا أنا بكلمك من الحلم.
  • مرة واحد خلقه ضاق عليه.. اداه لأخوه الصغير.
  • واحد بتاع سمك لما مات.. صاحبه قال: يعيني كان لسه صاحي وبيلعب.
  • مرة واحد غبي لما اتخبط راح للدكتور كتب له كريم وقال له تدهنه مكان الخبطة.. راح حط الكريم على السلم اللي أتخبط فيه.
  • واحد ميكانيكي اشترى سرير نام تحته.
  • مفتاح مات أهله مزعلوش عليه علشان معاهم نسخة تانية.
  • مرة واحد ندل بنى مسجد.. لما لقى ناس كتير بتروحه قرر يحوله لمطعم.
  • واحد خياط كان ماشي في حتة مقطوعة فخيطها.
  • مرة واحد بيرجم إبليس في الحج وكان مغطي وشه.. لما سألوه ليه عامل في نفسك كدا؟ قال لهم علشان ميعرفنيش يمكن احتاجه في يوم.
  • واحدة اسمها ساندي.. ولما كبرت ودخلت كلية الهندسة بقى اسمها ساندي متر مربع.
  • مرة أخطبوط فضل يعيط.. ولما سألوه مالك؟ قال لهم مش عارف فين أيدي وفين رجلي.

اقرأ أيضًا: اسئلة مضحكة بين المخطوبين

نكت بايخة وساخرة

بالحديث عن نكت مضحكة قصيرة مصرية.. نجد أن تلك النكت على الرغم من كونها سخيفة في بعض الأحيان، إلا أنها تثير الضحك كذلك.. ومن خلال النقاط التالية سنعرض لكم المزيد من تلك النكت:

  • اخطبوط راح يخطب فقال لوالد العروسة يا عمي أنا من أيدك دي لأيدك دي لأيدك دي لأيدك دي.
  • اتنين فراعنة دخلوا كافيه طلبوا اتنين أمون.
  • مرة عمارتين سألوا موزة مين بنانا؟
  • صاحب كامل أكل رغيف كامل مات.
  • مرة محامي رفع قضية وقعت عليه.
  • وردة ماشية بتعيط صاحبتها قالتلها مالك يا وردة.. قالت لها الحقيني أنا مقطوفة.
  • لمونة قاعدة على باب الجامع علشان مستنية العصر.
  • مرة كوسة وقعت على الأرض قالت أنا اتأورت.
  • واحد حرامي راح يسرق البيت اللي جمبهم.. ابن الجيران قال له هتاخد شنطتي وكتبي ولا أصحيهم.
  • مرة واحد عايز يوكل محامي طلع صايم.
  • واحد منجد ابنه كان بيعيط غناله القطنة المشمية.
  • مرة واحد نزل البحر طلع مبلول.
  • مدرس انجليزي خلف بنتين واحدة سماها لوجين والتانية لوج اوت.
  • مرة مهندس عايز يمشي من الشركة.. اتعصب وقال أنا مستطيل.
  • ليه القطر بيقف عند الصيدلية؟ علشان يعاكس القطرة.
  • قهوجي خلف بنت وسماها شاي ماء.
  • مرة واحدة اسمها فادية.. كبرت بقت مشغولة.
  • القط توم حب يمسك الفار جري منه.
  • مرة واحد خلف بنتين توأم.. سمى واحدة لمياء، والتانية لام ألف.
  • اتنين حبيبة طلعوا على القمر.. طلبوا 2 لا مون.
  • مرة تفاحة عطشانة قالت هاتولي ماية ابل ريقي بيها.
  • ليه الخشبة يتيمة؟ علشان مقطوعة من شجرة.
  • مرة بتنجانة تعبت سألوها مالك؟ قالت أصل الدنيا مسقطعة شويه.
  • محشش صاحبه غرق في النهر.. راح يستناه عند الحنفية.

أسخف نكت مصرية مضحكة

أسخف نكت مصرية مضحكة
أسخف نكت مصرية مضحكة

يوجد الكثير من نكت مضحكة قصيرة مصرية التي يمكنك مشاركتها عبر مواقع التواصل الاجتماعي المختلفة.. كما يمكن إرسالها إلى الأصدقاء وأفراد الأسرة، وإليك بعضها في النقاط التالية:

  • مرة شيخ كان بيحمر بطاطس.. حطها على النار وقال استوووووا.
  • واحد اسمه عمار والتاني على الفحم.
  • مرة واحد قاعد على القهوة عطس.. قال هات شيشة.
  • واحد غبي راح للسوبر ماركت.. قال له يا عمو الشوكولاته أم 4 جنيه عندك؟ قال له: اه، فالولد سأله هي بكام؟
  • مرة واحد كان في عزا صاحبه قاله أنت عزيت؟ قال له لا أنا على السمنة.
  • واحد أبوه نقاش ومات.. فمشى في العزا يقول بويا بويا.
  • مرة واحد أشترى قلمين.. واحد كتب بي والتاني كتب سي.
  • مصطفى قمر والتاني منفذش.
  • مرة واحد راح اشترى فول لقى المحل مقفول.
  • واحد سايق عربية كان جعان أكله مطبين في السكة.
  • اتنين راحوا عند الحلاق.. واحد حلق والتاني غويشة.
  • ليه قناة السويس اتسمت بالاسم دا؟ علشان بتمشي بسويس بسويس.
  • مرة دكتور قابل صيدلي.. فقال له مرهم بيك.
  • ضبع قابل ضبع.. قاله تعرف تطلع على الشجرة دي؟ قال له ضبعًا.
  • واحدة اسمها مايا..قعدت على الكرسي بلته.
  • مرة واحدة اسمها نور.. نزلت الماية اتكهربت.
  • واحد اسمه عبد الحميد عبد الحميد.. لما بينادي عليه مدرس الرياضة بيقوله عبد الحميد اوس 2.
  • مدرس تاريخ حب يكافئ الولاد اللي عنده.. اداهم فلوس يجيبوا بيها بومب وتواريخ.
  • مرة واحدة كل ما تشوف جوزها تطلب منه حاجة.. مرة تقول له هات تلاجة جديدة، ومرة هات غسالة، قال لها مفيش مرة تقوليلي خد.. قالت له خد التليفزيون بايظ صلحه.
  • عارفين لما البكتيريا بتتنقل من خلية لخلية بتركب أيه؟ بتركب ميكروبات.
  • مرة مدرس عربي وقع في حفرة رفعوه بالضمة.

اقرأ أيضًا: ألغاز ذكاء مع الحل مكتوبة وبالصور

أكثر نكت مصرية مضحكة

هناك المزيد من النكت المصرية التي يمكنك إرسالها إلى الأصدقاء.. فتلك النكت تُدخل السعادة والبهجة، كما يمكنها أن تجعلهم يضحكون لفترات طويلة.. وإليكم في النقاط المقبلة المزيد من نكت مضحكة قصيرة مصرية:

  • مرة واحد نام ساعة.. صحى لقى نفسه حظاظة.
  • واحدة اسمها إنجي راحت الشغل متأخر.. المدير قال لها: إنجي اطلعي برا.
  • مدرس رياضيات عل حادثة راح يكشف عند الدكتور.. لقى عنده كسور، الدكتور قال له لازم نوحد المقامات.
  • مرة قنبلة وقعت على قهوة عملت بن.
  • أنت لازم تسعى ورا حلمك.. علشان تسعة ونص بيقفلوا.
  • مرة واحد أقرع قرر يفكر.. الفكرة اتزحلقت من على مخه
  • واحد حمار اتقدم لحمارة أبوها رفصه.
  • مرة واحد بخيل وقعت دبانة في كوباية الشاي بتاعته.. طلعها وفضل يضربها على راسها وقال لها تفي اللي شربتيه.
  • واحد قال للتاني أنا من حلوان.. قال له فين في حلوان أنا عارف كل حتة فيها، حلوان خشب ولا فلوماستر.
  • مرة طماطم عطست قالت كاتشيب.
  • واحد كان عنده زهايمر فضل يضحك نسى بوقه مقفول.
  • مرة واحد استظرف اتحشر في البريد.
  • البنات القصيرين ليه مش بيسهروا بالليل؟ علشان الليل طويل عليهم.
  • مرة طباخ مشى عدس الطريق.
  • واحد كهربائي حضر فرح عمل قافلة.
  • مرة واحد ندل متجوز واحدة قصيرة.. كل ما يتخانقوا يرفعلها علبة الميكب على التلاجة.
  • واحد بخيل والده اتوفى فراح يعمله نعي في الجريدة.. كتب رزق ينعى والده، فقالوا له فاضلك كلمتين، قال لهم اكتبوا وبيشتغل كهربائي.
  • مرة واحد في الهند شاف هندية على جبينها نقطة حمرا.. قال لها يا مدام خدي بالك بتسجلي فيديو.
  • واحد غبي اشترى تاكسي.. فكل ما يركب ويلاقي حد بيقوله تاكسي، يضحك ويقول لهم اه ما أنا عارف.

اقرا ايضا : نكت مضحكة موت قصيرة

أجمد نكت مضحكة وقصيرة

بالنظر إلى نكت مضحكة قصيرة مصرية المنتشرة على مواقع التواصل الاجتماعي المختلفة.. فستجد أنها تتسم بالبساطة، كما أنها تعتمد على اللغة العامية حتى يتسنى إلى الأفراد فهمها.. وإليك المزيد من تلك النكت المضحكة عبر الآتي:

  • مرة واحد بيسأل صاحبه ايه هي هوايتك المفضلة؟ رد قال له بحب أعصب مراتي أوي.
  • مرة ديك بيقول لفرخة يا ضعيفة بياخدوا عيالك وأنتِ ساكتة.. قالت له أحسن من اللي بيأذن ومش بيصلي.
  • واحد قال لصاحبه مش عيب مراتك تحدفك بالشبشب وأحنا قاعدين؟ رد قال له: طب بذمتك جت فيا؟
  • مذيعة بتسأل واحد مسطول.. أحمد زويل أخد جايزة نوبيل في ايه؟ رد قال لها في علبة قطيفة لونها أحمر.
  • واحد زملكاوي مراته اتخانقت معاه.. قالت له أن هروح عند أهلي، رد قالها طب إسماعيلي شويه لو سمحتي.
  • مرة واحد بيول لمراته بتفكري في ايه؟ بصتله بصة ومانسية وقالت له نفس اللي بتفكر فيه يا حبيبي.. راح ضاربها وقال لها عايزة تتجوزي عليا؟
  • مرة واحد بخيل راح يزور أمه في المستشفى.. لقى ورد على الباب أخده يديهولها واستخسر يجيبلها هو ورد.
  • مرة سحلفاة دخلت مطعم.. لما طلب رز صاحب المطعم رماها برا، رجعتله بعد شهر علشان تقوله طب متزوءش برضه.
  • مرة واحد خبطته عربية أخد فيها تعويض 50 ألف جنيه.. فقرر يقف قدام القطر وقال له تعالى يا أبو الملايين.
  • مرة واحد سوداني راح يكشف علشان كان تعبان.. الدكتور قال له عندك فيروز، قال له طب حلو يمكن تلاقي نانسي في الكبد.
  • واحد اتخنق من مراته قال لها تعالي نرجع زي الأول صحاب.. ابنهم الصغير ضربه وقال له طب واحنا يا بابا؟

اقرأ أيضًا: صور مضحكة عن عيد الاضحى

أقوى نكت مصرية مثيرة للضحك

أقوى نكت مصرية مثيرة للضحك
أقوى نكت مصرية مثيرة للضحك

في حال كنت ترغب بالحصول على المزيد من نكت مضحكة قصيرة مصرية.. فيمكنك الحصول عليها من خلال مواقع التواصل الاجتماعي، أو يمكنك الحصول عليها من خلال النقاط المقبلة:

  • مرة واحد مسطول قرر يغازل واحدة.. قال لها يا أحلى كابتشينو على نسكافيه شفته في حياتي.
  • واحد مسطول بيسأل صاحبه ايه الفرق بين الصحراء والأسبوع؟ رد قاله الصحراء مفيهاش حد.. والأسبوع فيه حد واحد.
  • صاحب واحد محشش قال له ايه أكتر شعور مؤلم في الدنيا؟ قال له لما تبقى مقموص ويحطوا أدامك العشا ومتبقاش قادر تاكل.
  • مرة بنت بتسأل حبيبها هتفضل تحبني بعد الزواج؟ قالها أكيد لا يا حبيبتي أكدب عليكي يعني؟
  • واحد بيتفرج على فيلم رعب مات من الخضة.
  • واحد حران معندهوش مروحة ولا تكييف.. ففكر ياخد لبوس خافض للحرارة.
  • واحد اشترى لخطيبته خاتم غالي… وقرر يهديهولها في عيد ميلادها، لما اتعصبت ضربت الطاولة بالخاتم واتكسر، قال وقتها يا خسارة يا ريتني جبتلها سروال.
  • واحد قرر يعترف لجارته بحبه مع العلم أنها أرملة.. ولما وصل عندها وشافها من غير ماكياج ارتبك وسألها مفيش أي أخبار عن المرحوم.
  • واحد بلع قرش ووقف عند البرق علشان ينور.

اقرأ أيضًا: اسئلة كرسي الاعتراف تضحك

نكات مصرية مضحكة

نكات مصرية مضحكة

  • مره واحد حب ينط م الدور العاشر.. لقى العمارة 5 أدوار..  نط من الخامس مرتين.
  • ايه الشوكلاته المفضله لدكاترة السنان ؟! شوكولاته ضيرسي.
  • مرة بطة استلفت فلوس من صاحبتها !! عشان الحالة كانت duck على الآخر.
  • بنت حبت تشتغل مع رئيس عصابة.. شغلها في غسيل الأموال
  • مره طالب ادبي نزل القهوة..   قال للقهوجي عايز جيجا تفاح.
  • مرة صنايعي عطس.. قال هات شاي.
  • مهندس قرر يسيب الشغل.. وهو ماشي قال أنا مستطيل.
  • طلبت من جوزها 4000 جنيه تعمل عملية ربط معدة.. اداها 30 جنيه وقالها هاتي قفل للمطبخ!
  • سألت زوجها حبيبي أي الفرق بيني وبين نانسي عجرم؟ قالها مفيش فرق هي مرسومة وأنتي شخبط شخابيط. ​​​​​​​
  • مسطول حب يغازل خطيبته (اللي هي بيضا وعيونها خضرا).. قالها يا أحلى طبق رز بالبسلة شفته!
  • واحد رجع من الشغل لقى البيت بيتحرق.. دخل أول مرة طلع بنته.. وبعدين دخل طلع مراته.. وبعدين دخل وخرج فاضي.. ودخل تاني وخرج فاضي.. قالوله أنت بتدخل تعمل إيه؟! قالهم بقلب حماتي.
  • من هو المصري ؟ هو كائن حي محبوب دوليًا.. مظلوم محليًا.. فقير ماديًا.. تعبان نفسيًا.. والعجيب أنه ما زال حيًا!
  • واحد أهبل اشترى رسيفر راح لأمه قالها أنا جبت رسيفر.. قالتله جبت فلوسه منين؟ قالها بعت التليفزيون.
  • محشش راح يكشف عند دكتور سوداني قاله عندك فيروز في الرئة.. قاله دور كده يمكن تلاقي نانسي في الكبد.
  • واحد مراته اتخطفت واللي خطفها طلب فدية وبعت للزوج صباع مراته عشان يهدده.. رد قاله أنا مش متأكد أن ده صباعها ابعت رأسها اتأكد الأول!
  • واحدة بتسأل جوزها إيه الرسايل اللي على تليفونك دي؟ قالها دي من موبينيل.. قالتله موبينيل بتقولك هنتقابل فين وامتى؟! قالها اه أنا مستلف وعايزين فلوسهم؟
  • واحد قاعد في الدفن سأل رفيقو أنت عزيت؟ قاله لا انا على المازوت.
  • محشش اتصل بالخطوط قال: كم تستغرق رحلة جدة بانكوك؟ قاله: لحظة.. قال شكرا.
  • ما هو الفرق بين الكمبيوتر والحفرة؟ الكمبيوتر حاسب آلي، والحفرة حاسب تقع.

اقرا ايضا : نكت للاطفال

نكات ساخرة مكتوبة

  • خبير إنترنت خلف ولد.. سماه دوت كوم.
  • بلدايتنا اشترى موبايل سامسونج راح بعت رسالة لخطيبته.. متتصليش على النوكيا علشان بيعته.
  • واحد قاعد يحمد ربنا أنه مش صيني.. واحد قاله ليه كده؟!   قاله أنت غبي انا معرفش ولا كلمه صيني.
  • مرة واحد بخيل أوى جاب تليفون جديد حطه في جيبه اللي ورا.. ونسي وقعد على كرسي..   راح سامع صوت حاجه بتكسر!   قال يارب يبقي العمود الفقرى.
  • واحد عنده مزرعة جزر وجنبه شوية أرانب بيصحي كل يوم ميلاقيش الجزر دا.. راح مزعق لصاحب المزرعة وكسر سنان الأرانب كلها.. اليوم اللي بعده بردو ملقاش جزر.. قام ماسك أرنب من رقبته قاله وديتوه فين قام رادد عليه وقاله عملناه عثير وثربناه.
  • مرة مذيع طلع فاصل.. نزل مشحون.
  • مرة اتنين سعوديين كانوا سكرانين وماشيين في الشارع فسألهم الشرطي اسمكوا ايه وساكنين فين.. فقال واحد منهم أنا اسمي أبو عبد الله بس لا أعرف وين بيتي، ورد التاني أنا اسمي أبو عبد الرحمن وساكن جنب بيت أبو عبد الله.
  • ذات مرة خبط رجل محشش شرطي بسيارته وعندما تأكد أن الشرطي مات فاتصل على رقم 122 وقال لهم أنتوا الآن أصبحتوا 121.
  • تزوج رجل من فتاة قصيرة فقام بوضع مستحضرات التجميل الخاصة بها فوق الثلاجة كلما أحزنته.
  • مرة واحدة بخيلة جوزها اتحجز في المستشفى لقت مكتوب على باب المستشفى ادفع فقالت ربنا يشفيه هبقي اتصل اطمن عليه.
  • واحد لقى صاحبه لابس الساعة في رجله فقاله ايه ده انت عامل استايل جديد ولا ايه فرد عليه صاحبه وقال له لا ده علشان امشي مع الوقت.
  • راجل بيسأل صاحبه انا سمعت صوتك بتتخانق انت ومراتك الصبح وكان صوتها عالي عليك فرد عليه قال له انا خليتها تركع على الأرض وقالت لي اطلع من تحت السرير مش هضربك.
  • واحد قال لصاحبه انت ازاي ساكت أن مراتك حدفتك بالجذمة فرد عليه بس شفت مجتش فيا ازاي.
  • واحد قال لأخته تجيب نتيجته ولو شايل مادة تقوله حمد بيسلم عليك ولو مادتين تقوله حمدان بيسلمان عليك علشان أبوه ميحسش.. ولما جت أخته قالتله أمة المسلمين بتسلم عليك.
  • واحد بيشتغل كهربائي جي يصلح سلك لقاه عريان فاتكسف وغمى عينه.

أروع النكات المصرية

  • شخص حلم بضرب مجموعة من الأشخاص له وفي اليوم الثاني طلب من أبناء عمه النوم معه في نفس الغرفة حتى يكون معه إن حلم مرة أخرى.
  • مرة واحد سباك عمل فرحه فصحابه قاموا ينقطوا بالجلدة.
  • ذات يوم بلع شخص قرش فتحدث لمدة دقيقة واحدة.
  • مرة واحد بيشتغل ظابط مرور جاب تؤام خلاهم يتكلموا بالإشارة.
  • يومًا ما تزوج معلم من معلمة فقاموا بعمل حفل الزواج في الفصل.
  • واحد بخيل جاب موز فمراته اخدت واحدة فقالت له عايزة موز تاني فرد عليها البخيل كلهم نفس الطعم.
  • اتنين محششين واحد بيقول للتاني لو جدع تعالى امشي على دخان سجارتي.. فقال له أنت أهبل ولما تطفي السجارة أقع انا على الأرض.
  • مرة 3 صحاب بخلاء راحوا كافيه طلبوا واحد شاي ومعاه 3 شفاطات.
  • قالت امرأة لزوجها ماذا فعلت كي يرزقك الله بي كزوجة؟ فرد عليها لقد كنت تارك الصلاة وإن كنت أعرف أنني سأعاقب هكذا لكنت أصلي منذ ولادتي.
  • واحد محشش بيقول لصاحبه البلد بترجع لورا مش بتتقدم وباين كدة أن الديناصورات هتظهر على شهر مارس.
  • ذات يوم سأل رجل صديق هل تعرف غطاس جيد فقال له صديقه لماذا؟ فرد عليه حتى يجلب لي كل خير رميته في البحر قبل ذلك.

أحدث النكت المصرية القصيرة

  • مذيع سأل محشش أيهما أطول الصباح أم المساء فقال المحشش أنا لم أراهم بجانب بعض كي أعرف أيهما أطول.
  • يقال أن ثمن الجلسة الواحدة عند الطبيب النفسي ألف جنيه وإن كنت أمتلك هذا الأموال فلماذا سأمر بحالة نفسية سيئة تحتاج للذهاب لطبيب.
  • مرة واحدة قالت لجوزها أنا عايزة النهاردة الناس كلها تسمع صوتي قال لها أنا متجوز عليكي.
  • واحد قال لصاحبه مراتي ماتت بس مش عارف أعيط عليها من الصبح فرد عليه صاحبه تخيل أنها رجعت تاني.
  • تلميذ راح المدرسة في الحصة الثانية ولما سأله المدرس أنت اتأخرت ليه عن الحصة الأولى رد عليه التلميذ وقال له اصلي حلمت أن عندنا ضيوف وعيب أصحى من النوم واسيبهم.
  • واحد جاي من شغله لقى بيته بيولع دخل جاب ابنه وطلع والمرة التانية دخل جاب بنته والمرة التالتة دخل جاب حماه والمرة الرابعة جاب مراته ودخل مرتين ورجع فاضي ولما سأله بتدخل وتطلع مرتين ليه قال لهم كنت بقلب حماتي على النار.
  • واحد مراته بتولد في العمليات وسمعها بتصوت فقعد يعيط ويقول أنا السبب أنا السبب.
  • الطفل في البلاد الأجنبية عندما تضربه والدته يصبح في حالة نفسية سيئة ويحتاج لطبيب نفسي.. أما في مصر يرد الطفل على والدته سأقول لزوجك.

تبقى نكت مضحكة قصيرة مصرية هي مصدر السعادة والبهجة.. كما تتسم بخفة الظل والحداثة، ومن الممكن إرسالها إلى الأصدقاء ومشاركتها مع كل المحيطين بك.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *