التخطي إلى المحتوى

نكت مضحكة مصرية شهيرة وحديثة هي ما يعرض العديد من النماذج الخاصة به موقع الوفاق- dealifnd.com، حيث تعد النكتة أحد أهم الفنون التي يتقنها غالبية الشعب المصري، هذا بالإضافة إلى كونها مصدر هام للتعبير عن الرأي في مختلف النواحي السياسية والاجتماعية في صورة ساخرة وناقدة وفي نفس الوقت تمتاز بروح الدعابة والمرح، ونوفر الكثير من الأمثلة من هذه النكات التي تناسب ما يتعرض له الفرد في أحوال يومية سواء خلال العمل أو الدراسة وغيرها.

نكت مضحكة مصرية

نكت مضحكة مصرية
أجمل نكت مضحكة مصرية

يمتلك الشعب المصري روح دعابة عالية قادرة على تغليف أشد المواقف وأصعبها بالسخرية، الأمر الذي يهون من وطأة ما يلاقيه الفرد من ضغوط عصبية ونفسية خلال اليوم أو الحياة بشكل عام، هذا بجانب كونها تدخل المزيد من البهجة والتفاؤل والسعادة على النفس، ومن أشهر نكت مضحكة مصرية هي التالي:

  • راح راجل للدكتور فسأله أنت عندك إيه؟ قاله عندي عيلين وخروف.
  • واحد قاعد يحمد ربنا أنه مش صيني، قاله صاحبه ليه كده؟ قاله أنت غبي أنا معرفش ولا كلمة صيني.
  • واحدة بتسأل جوزها إيه الرسايل اللي على تليفونك دي؟ قالها دي من أورنج، قالتله أورنج بتقولك هنتقابل فين وامتى؟ قالها اه أنا مستلف وعايزين فلوسهم.
  • واحد قاعد في الدفن سأل رفيقو أنت عزيت؟  قاله لا انا على المازوت.
  • محشش اتصل بالخطوط قال: كم تستغرق رحلة جدة بانكوك؟ قاله: لحظة، قال شكرًا.
  • ما هو الفرق بين الكمبيوتر والحفرة؟ الكمبيوتر حاسب آلي، والحفرة حاسب تقع.
  • خبير إنترنت خلف ولد، سماه دوت كوم.

نكت مصرية قصيرة

تتمتع العديد من النكات المصرية بكونها قصيرة من حيث عدد الكلمات أو طريقة سردها، الأمر الذي يجعلها أكثر تقبلًا من المستمعين،هذا بالإضافة إلى ما تتركه من أثر مفرح في الوجدان نتيجة سرعة إلقائها وقصر كلمتها وفي نفس الوقت تكون مليئة بالكلمات والمواقف المضحكة والمتناقضة سواء مع بعضها البعض أو مع ما لابد من حدوثه في الواقع، وهذه هي أهم الأمثلة عليها:

  • صعيدي اشترى موبايل سامسونج راح بعت رسالة لخطيبته، متتصليش على النوكيا علشان بيعته.
  • مرة واحد بخيل أوى جاب تليفون جديد حطه في جيبه اللي ورا، ونسي وقعد على كرسي، راح سامع صوت حاجة بتكسر، قال يارب يبقى العمود الفقري.
  • مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت.
  • مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه
  • مرة واحد مسطول مروح البيت وبقالو ساعة مش عارف يفتح الباب مراتة من البلكونة بتقولو ارميلك المفتاح قالها لا المفتاح معاية ارميلى خرم الباب
  • مرة واحد غبي ابنه قاله انا عاوز موبايل ابوه قاله موافق بس بشرط تركب اخواتك معاك.
  • واحد مسطول لقى واحدة ست ماسكة فيها النار فراح قالها منورة يا حجة.

اقرأ أيضاً: نكت قصيرة بايخة

أجمل نكت مضحكة مصرية

نكت مضحكة مصرية
نكت مضحكة مصرية

لا تتنافى طبيعة النكات في كونها مضحكة على تمتعها بالجمال سواء في طبيعة الكلمات التي يتم قولها بها أو طريقة حكايتها أو مجمل أحداثها، الأمر الذي يضيف عليها المزيد من الجاذبية والتشويق مع وقعها الجميل على الأذن، ولذلك نهتم بعرض العديد من النماذج عن نكت مصرية مضحكة وجميلة تساعد في تحسين الحالة المزاجية إلى الأفضل فيما يلي:

  • جماعه صعايده وجماعه فلاحين قاعدين بيحششوا البوليس كبس الفلاحين جريوا والصعايده استخبوا فى البوكس.
  • مرة إتنين مساطيل راكبين عربية فواحد قال للتانى: حاسب قدامك شجرة فالتانى مردش عليه فعلى صوته شوية: قدامك شجرة برضه مردش عليه فقاله : حاسب قدامك شجره طاخ خبطوا فى الشجرة فطلع من العربية و قاله  مش قلتلك قدامك شجرة ؟؟؟ فالتانى رد عليه : و أنا أعملك إيه مش إنت إلى سايق ؟؟؟
  • مرة واحد مسطول جه يخرج من العربية لقى الدنيا بتمطر راح خارج من الباب التانى.
  • مره واحد مسطول أوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى.
  • نملة ماشية على حرف كوب عصير فراولة فقالت: ياه اخيرا شفت البحر الأحمر.
  • واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية.
  • واحد باشا الزمن دار عليه وافتقر حب يشتغل اشتغل بتاع فجل وجرجير وقف فى السوق وهو لابس الطربوش وبيقول فجل يا حوش جرجير يا كلاب.

نكت محششين مصرية مضحكة

تعد فئة المحششين أو الأفراد الذين ذهب عقلهم وغاب نتيجة تناولهم للمخدرات هي مادة غنية لقول النكات داخل جمهورية مصر العربية، وذلك يرجع إلى وجود العديد من التناقضات والغرابة في تصرفاتهم الأمر الذي يؤدي إلى خلق الكثير من المواقف المضحكة، وعليه نتقدم بعرض النكت المصرية التي ذاع انتشارها على مختلف مواقع التواصل الاجتماعي عن هذا الموضوع فيما يلي:

  • سألوا واحد محشش: مين أهم الشمس ولا القمر؟ رد القمر طبعًا، بيطلع ينور لنا بالليل والدنيا ضلمة، إنما الشمس بتطلع بالنهار والدنيا نور أصلًا.
  • محشش يسأل محشش تتوقع الجمعة يوافق آخر الشهر؟ رد عليه: لو ضغطنا عليه يمكن يوافق
  • محشش سأل صاحبه المحشش: إيه أخبار أبوك؟ بعدين افتكر إن أبوه ميت فكمل بسرعة: لسه في نفس التربة؟.
  • مسطول دخل محل بقالة وخرج يضحك، سألوه بتضحك ليه قال لهم أديته جنيه وما اشتريتش حاجة.
  • واحد معاه عربية قديمة وعاوز يبيعها ومش عارف، فصاحبه قاله حط عليها علامة مرسيدس وهي تتباع فورًا، راح عمل كدا بعد أسبوع صاحبه بيسأله بعت العربية ولا لا؟ قاله إنت عبيط حدّ يبيع عربية مرسيدس.
  • طالب محشش كان في اختبار مادة الكيمياء، وجه سؤال عن ما هو الشيء الذي لا يذوب في الماء؟ فأجاب السمك.
  • راح طفل لأبوه المحشش وقاله أنا عايز مدرس خصوصي في البيت، فرد عليه أوعدك لو نجحت السنادي هجيبلك واحد.

اقرأ أيضاً: نكت مضحكة موت قصيرة

أجمد نكت مصرية

أجمد نكت مصرية
أجمد نكت مصرية

تختلف وتتأثر طبيعة النكتة باختلاف الزمان والمكان وماهية الأشخاص المستمعين والقائلين لها، وعليه نوفر مجموعة متنوعة من أجمد النكات المصرية التي تعد من أكثر الرسائل تداولًا عبر تطبيقات مواقع السوشيال ميديا المختلفة، والتي من أهمها تطبيق الواتس آب وتطبيق الفيس بوك وتطبيق تويتر، وهذه هي بعض الأمثلة عليها في التالي:

  • ايه الشوكلاته المفضله لدكاترة السنان، شوكولاته ضيرسي.
  • مرة بطة استلفت فلوس من صاحبتها، عشان الحالة كانت duck على الآخر.
  • بنت حبت تشتغل مع رئيس عصابة، شغلها في غسيل الأموال.
  •  مره طالب ادبي نزل القهوة، قال للقهوجي عايز جيجا تفاح.
  • مرة صنايعي عطس، قال هات شاي.
  • مهندس قرر يسيب الشغل، وهو ماشي قال أنا مستطيل.
  • طلبت من جوزها 4000 جنيه تعمل عملية ربط معدة، أداها 30 جنيه وقالها هاتي قفل للمطبخ.

نكت مصرية طويلة مضحكة

يوجد نوع ينتمي إلى نكت مضحكة مصرية يمتاز بالطول في الجمل المكونة له وعدد كلماتها، حيث يعد أقرب إلى قصة قصيرة تتم روايتها بطريقة معينة تهدف إلى إبراز الموقف المرح أو الغير اعتيادي الذي تم القيام به، وتعمل على خلق جو من التشويق والمتعة والإثارة الناتجة عن انتظار النهاية الغير متوقعة لها، وهذه هي بعض من أشهر النماذج عليها في التالي:

  • واحد فتح محل فراخ في مصر، جاله مفتش التموين وسأله بتأكل الفراخ إيه يا جحا؟ قاله رز. قاله المفتش مصيبتك سودا هو حد لاقي الرز؟ غرامة 100 جنيه. تاني يوم، رجع سأله: بتأكل الفراخ إيه يا جحا؟ قاله قمح. قاله المفتش مصيبتك سودا هو حد لاقي القمح؟ غرامة 100 جنيه. ثالث يوم، بتأكل الفراخ إيه يا جحا؟ قاله ذرة. قاله المفتش مصيبتك سودا هو حد لاقي الذرة؟ غرامة 100 جنيه. رابع يوم، بتأكل الفراخ إيه يا جحا؟ قاله بدي كل فرخة جنيه وهي تآكل اللي هي عايزاه.
  • الطفل: ماما عاوز أشرب. الأم: أنا بطبخ، قوم هات لنفسك تشرب. الطفل: بتفرج على التلفزيون، هاتيلي أشرب وارجعي تاني المطبخ. الأم: وبعدين بقى معاك، هاجي أضربك. الطفل: طيب وإنت جاية تضربيني هاتيلي معاكي أشرب.
  • واحد غبي بيلعب بالقنبلة وبيحدف من إيده اليمين لإيده الشمال، فجي واحد تاني يقوله خلي بالك لتنفجر فيك، فرد عليه متخافش يا عم أنا معايا واحدة تانية.
  • واحد عنده مزرعة جزر وجنبه شوية أرانب بيصحي كل يوم ميلاقيش الجزر دا، راح مزعق لصاحب المزرعة وكسر سنان الأرانب كلها..  اليوم اللي بعده بردو ملقاش جزر، قام ماسك أرنب من رقبته قاله وديتوه فين قام رادد عليه وقاله عملناه عثير وثربناه.
  • واحد غبي عنده ارق ومش عارف ينام، قال له صاحبه عندي لك طريقة للنوم مؤكدة عد من واحد الى خمسميه، أخونا مكدبش خبر وأول ما الدنيا ليلت راح للسرير وبدا يعد واحد اثنين ولما وصل الى ميه وتسعة وتسعين كبس عليه النوم قام جري غسل وشه ورجع للسرير يكمل العد.
  • واحده ست سايقة على الجي بي اس،  قالها انحرفي قليلًا،  قلعت الطرحة.

اقرأ أيضاً: نكت مضحكة مكتوبة

نكات مصرية قديمة

نكات مصرية قديمة
نكات مصرية قديمة

تتمتع النكات المصرية بصفة عامة بميزة فريدة وهي أنها كلما مر عليها الزمن وتم استخدامها مرة أخرى تكون لا تزال محتفظة بقدرتها على إضحاك كل من يسمعها، ولذلك نهتم بتوفير العديد من النكت المصرية القديمة في زمن الإلقاء ولكنها لا تزال تحمل نفس التأثير على النفوس وبالأخص لدى الأجيال الجديدة التي تكون هذه هي المرة الأولى لهم في التعرف عليها، وأهم هذه النكت التالي:

  • سألت زوجها حبيبي أي الفرق بيني وبين نانسي عجرم؟  قالها مفيش فرق هي مرسومة وأنتي شخبط شخابيط.
  • واحد رجع من الشغل لقى البيت بيتحرق، دخل أول مرة طلع بنته، وبعدين دخل طلع مراته، وبعدين دخل وخرج فاضي، ودخل تاني وخرج فاضي، قالوله أنت بتدخل تعمل إيه؟ قالهم بقلب حماتي.
  • من هو المصري؟ هو كائن حي محبوب دوليًا، مظلوم محليًا، فقير ماديًا، تعبان نفسيًا، والعجيب أنه ما زال حيًا.
  • واحد أهبل اشترى رسيفر راح لأمه قالها أنا جبت رسيفر، قالتله جبت فلوسه منين؟ قالها بعت التليفزيون.
  • محشش راح يكشف عند دكتور سوداني قاله عندك فيروز في الرئة، قاله دور كده يمكن تلاقي نانسي في الكبد.
  • واحد مراته اتخطفت واللي خطفها طلب فدية وبعت للزوج صباع مراته عشان يهدده، رد قاله أنا مش متأكد أن ده صباعها ابعت رأسها اتأكد الأول.
  • واحد متجوز وقاعد في البيت وبيبص كتير في عقد الزواج، مراته قالت له: بتبص في عقد الزواج ‏ليه يا حبيبي؟ قالها: مش عارف يا حياتي المأذون كتب تاريخ انتهاء العقد فين.

اقرأ أيضاً: نكت محششين 

نكت مصرية حديثة

أهم صفات النكتة المصرية هي قدرتها على التحديث والتجديد مع كل زمن وخلال الزمن الواحد عبر المواقف التي تحدث به، فهناك نكتة وأكثر على مختلف الأحداث سواء تلك التي تمر بها جمهورية مصر العربية أو العالم بصفة عامة، وأهم هذه النماذج ما سوف نطرح البعض منها فيما يلي والذي يلبي احتياجات الجميع من الحصول على متعة النقد والتهكم على ما يدور حولهم من أمور:

  • واحد رخم نزل الشارع ملقاش حد يرخم عليه، قام وقف قدام العمود وقالو عدينی.
  • مرة مذيع طلع فاصل، نزل مشحون.
  • سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله.
  • مرة واحد حشاش لما قبض مرتبة راح البيت وقعد يقسم المرتب 100 إيجار، 100 مصروف بيت -200 حشيش وفجاة وهو قاعد سمع خبط على الباب فقال مين رد علية اللى برة قالوة بوليس فراح مقطع ال200 جنية حشيش.
  • رئيس دوله صغيره راح زياره للصين رئيس الصين بيقله احنا عددنا 900 مليون نسمه انتو عددكم كام رد رئيس الدوله احنا 30 ألف راح رئيس الصين قاله يا راجل طب مجبتهمش معاك ليه.
  • مرة واحد دخل مستشفي المجاننين لقي المجانين معلقين واحد في السقف واعدين يلفوا حولة شاف واحد اعد لوحدة قالة يابني انت مش بتلعب معاهم لية قالو يابية دول ناس هبل فاكرين الراجل لمبة واعدين يلفوا حولة قالو يابني انت شكلك عاقل قوم معاي ننزل الراجل قالو هنعقد في الضلمة.
  • مرة واحد واقف قدام التلاجة بيفتح الباب بتاعها براحة ويقفلة تانى جة صاحبة وقالة لية كدة قالة أموت وأعرف مين بيطفى النور من جوة.

قدمنا باقة متنوعة من نكت مضحكة مصرية تهدف إلى تغيير الحالة المزاجية إلى الأفضل من خلال القيام بنقد الواقع في صورة هزلية أو عبر افتراض قصة أو موقف يميل للغرابة.

الأسئلة الشائعة

ما هي أجمد نكتة مصرية؟
حرامي دخل يسرق بيت لما جه يطلع شافه الولد الصغير، قاله تسرق كتبي وشنطتي معاك ولا أصرخ وألم الناس.
ما هي أفضل النكات المصرية؟
واحد ومراته متخانقين فكتب ورقة صحيني الساعة 6:30 علشان عندي شغل، وحط الورق على السرير ونام صحي الساعة 10:00 فلقى الورقة مكتوب عليها الساعة 6:30 يلا أصحى.
ما هي أجمل نكتة مصرية مضحكة؟
مره واحد حب ينط م الدور العاشر، لقى العمارة 5 أدوار، نط من الخامس مرتين.
ما هي أحدث نكتة في مصر؟
مسطول حب يغازل خطيبته (هي بيضا وعيونها خضرا) قالها يا أحلى طبق رز بالبسلة شفته.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *